મોરબી દુર્ઘટના બાદ બીજી એક મોઢે દુર્ઘટના સર્જાઈ, મીની બસ નહેરમાં ખાબકતા મિનિટોમાં જ 22 લોકોના કમકમાટી ભર્યા મૃત્યુ, ચારેય તરફ શોકનો માહોલ

ઉત્તર ઇજિપ્તમાં શનિવારે (નવેમ્બર 12) એક બસ અકસ્માતમાં 22 લોકોનાં મોત નીપજ્યાં હતાં. ઇજિપ્તના ઉત્તરી દખાલિયા પ્રાંતમાં મિનિબસ નહેરમાં પડી જતાં આ અકસ્માત થયો હતો, જેમાં સાત અન્ય લોકો ઘાયલ પણ થયા હતા. ઇજિપ્તના આરોગ્ય મંત્રાલયે જણાવ્યું હતું કે બસ હાઇવે પરથી ઉતરી ગઇ હતી અને ઉત્તરી દખાલિયા ક્ષેત્રમાં આગામાં મન્સૌરા નહેરમાં પડી હતી.

મંત્રાલયે કહ્યું કે ઘટનાસ્થળે કુલ 18 એમ્બ્યુલન્સ મોકલવામાં આવી છે. ઘાયલોને પ્રાંતની બે હોસ્પિટલમાં લઈ જવામાં આવ્યા હતા. સોશિયલ મીડિયા પર વાયરલ થયેલા વીડિયોમાં સ્થાનિક રહેવાસીઓ પોલીસને પાણીમાંથી મૃતદેહ બહાર કાઢવામાં મદદ કરતા જોવા મળે છે. રિપોર્ટમાં કહેવામાં આવ્યું છે કે બસમાં વિદ્યાર્થીઓના જૂથ સહિત 46 મુસાફરો હતા.

મૃતકોમાં મોટાભાગના વિદ્યાર્થીઓ છે.  પ્રાપ્ત માહિતી અનુસાર, મૃતકોમાં છ મહિલાઓ અને ત્રણ બાળકોનો પણ સમાવેશ થાય છે. ઘટનાની જાણ થયા પછી, સામાજિક એકતા મંત્રાલયે જણાવ્યું હતું કે જે પરિવારોના કમાતા સભ્યો અકસ્માતમાં મૃત્યુ પામ્યા છે તેમને 100,000 ઇજિપ્તીયન પાઉન્ડ વળતર મળશે.

જ્યારે અન્ય પીડિતોના પરિવારોને 25,000 પાઉન્ડ અને ઘાયલોને 5,000 પાઉન્ડ મળશે. મંત્રાલયે કહ્યું કે પીડિતોના પરિવારો અને ઘાયલોને સરકારના “તકફુલ અને કરમા” કલ્યાણ કાર્યક્રમમાં સામેલ કરવામાં આવશે જે રોકડ સહાય, નોકરીની સહાય અને અન્ય લાભો પ્રદાન કરે છે. ઇજિપ્તમાં માર્ગ અકસ્માતો સામાન્ય બની ગયા છે.

દર વર્ષે અહીં હજારો લોકો માર્ગ અકસ્માતમાં જીવ ગુમાવે છે. ગયા મહિને, ઇજિપ્તના નાઇલ ડેલ્ટામાં મિનિબસ અને લારી વચ્ચે અથડાતાં 10 લોકોના મોત થયા હતા અને 9 લોકો ઘાયલ થયા હતા. મૃતકોમાં આખો પરિવાર અને ત્રણ બહેનોનો સમાવેશ થાય છે.

Leave a Reply

Your email address will not be published. Required fields are marked *