Big News: ગ્રીષ્માના ન્યાય માટે હચમચાવી દે તેવો વીડિયો 1 વાર નહિ પણ 35 વાર જોવાયો, કોર્ટ નોંધ્યું કે…

સુરત ગ્રીષ્મા વેકરિયાના હત્યા કેસમાં આજે હત્યારા ફેનિલને કોર્ટે દોષિત જાહેર કરી દીધો છે. આ સાથે કોર્ટમાં એવું નોંધવામાં આવ્યું હતું કે ન્યાય માટે હચમચાવી દે તેવો વીડિયો ૩૫ વાર કોર્ટમાં જોવાયો છે. આ વીડિયોમાં બંને વચ્ચે કોઈ પ્રેમ હોય તેવું જણાતું જ નથી. કદાચ વ્યક્તિ ખોટું બોલી શકે, પુરાવા તો નહીં ને આજે ફેનિલને કોર્ટમાં રજૂ કરવામાં આવ્યો હતો. કોર્ટ દ્વારા ફેનિલને દોષિત જાહેર કરવામાં આવ્યો અને જણાવ્યું હતું કે આ કેસના તમામ ઇલેક્ટ્રોનિક પુરાવા સત્ય પુરવાર થઈ ગયા છે.

કોર્ટ માટે પણ આ વીડિયોને જોવો મુશ્કેલ ન હતો. એટલો હચમચાવી નાખનારો વિડીયો હતો છતાં ન્યાય માટે વારંવાર જોવામાં આવ્યો છે. કદાચ વ્યક્તિ ખોટું બોલી શકે, પુરાવા તો નહીં ને. આરોપીની માનસિકતા જ ખૂબ ક્રૂર જોવા મળી રહી હતી. બચાવ પક્ષે ગ્રીષ્મા અને ફેનિલ વચ્ચે પ્રેમ સંબંધની વાત કરી હતી પણ વીડિયોમાં તે કઈ જ વાત જણાતી નથી.

વીડિયો જે ઉતારનાર હતું તે વ્યક્તિ ગ્રીષ્મા કે ફેનિલને ઓળખતી પણ ન હતી. કુદરત યોગ્ય ઇન્સાફ ઈચ્છતો હોય એમ આ વીડિયો અનાયાસે ઉતારી લીધો છે, જે આ કેસમાં મહત્ત્વનો પુરાવો બની કામમાં આવ્યો છે. બચાવ પક્ષે ફેનિલને એક દાઝેલા પ્રેમી તરીકે રજૂ કરવામાં આવ્યો. પ્રેમસંબંધના બધા ફોટા કોર્ટે જોયા છે. માત્ર તેના થકી તેમની વચ્ચે પ્રેમસંબંધ જ હોય શકે એ માની લેવાય નહીં.

ફેનિલ અને ગ્રીષ્માના મોબાઈલના બધા જ ડોક્યુમેન્ટ લેવામાં આવ્યા છે. ડેટા ૩ દિવસ સુધી તો ચેક કરવામાં આવ્યા છે. ડિલિટ કરેલી ચેટ પણ ફરીથી સ્ટોર કરી અને ચેક કરવામાં આવી છે. ફેનિલ ગ્રીષ્માને મળવા માગતો હતો. પરંતુ ગ્રીષ્માને મળવાની ઈચ્છા ન હતી એ સ્પષ્ટ થઈ ગયું છે. આ તો વળી કેવો પ્રેમ, જે ક્રૂર રીતે હત્યા કરી નાખવા પર ઉતરી આવે.