અમદાવાદમાં 15 વર્ષના છોકરાને કોવેક્સિનને બદલે કોવિડશિલ્ડ આપવામાં આવતાં ચક્કર ખાઈને પડી ગયો, પિતા પહોચ્યા સીધા જ…

અમદાવાદ મ્યુનિસિપલ કોર્પોરેશનના અર્બન હેલ્થ સેન્ટરમાં 15 વર્ષીય યુવક પર કોરોનાની રસી આપવામાં બેદરકારીનો ગુનો નોંધાયો છે. વાસણા વિસ્તારમાં આવેલી નવી આંબાવાડી અર્બન હેલ્થ સેન્ટરમાં રસી આપતા કર્મચારીએ 18 વર્ષથી વધુ ઉંમરના લોકોને અપાતી કોવીડશીલ્ડ રસી નો બીજો ડોઝ તે બાળકને આપી દીધો હતો આથી રસીકરણ પછી તરત જ,તેને ચક્કર આવવા લાગ્યા અને તે નીચે પડી ગયો.

બાળકના પિતાએ ઇમ્યુનાઇઝેશન વર્કરને પણ કહ્યું, ” તમારે કોવેક્સીન આપવાની હતી તો તમે કોવીડશીલ્ડ રસી શા માટે આપી?” બાળકના પિતાએ અર્બન હેલ્થ સેન્ટરના કર્મચારી વિરુદ્ધ વાસણા પોલીસ સ્ટેશનમાં ફરિયાદ પણ નોંધાવી છે. વાસણા વિસ્તારમાં માધવ ફ્લેટમાં રહેતા જયદીપસિંહ વાઘેલાના 15 વર્ષીય પુત્ર ધ્રુવરાજસિંહ વાઘેલા આજે નવી આંબાવાડી અર્બન હેલ્થ સેન્ટર ખાતે તેના પિતા ને સાથે લઈને રસીનો બીજો ડોઝ લેવા ગયો હતો જ્યા અર્બન હેલ્થ સેન્ટરના કર્મચારીઓએ તેમને કોવેસીન રસી આપવાને બદલે કોવિશિલ્ડ રસી આપી હતી.

ધ્રુવરાજસિંહના પિતા જયદીપસિંહ વાઘેલાએ જણાવ્યું હતું કે જ્યારે તેમણે મારા બાળકને રસીનો બીજો ડોઝ આપ્યો ત્યારે તરત જ તેને ચક્કર આવવા લાગ્યા. મેં રસી આપતા કર્મચારીના હાથમાં કોવિશિલ્ડ રસી જોઈ અને મેં કર્મચારીને પણ કહ્યું કે બાળકને કોવેક્સીન ની જગ્યાએ તમે તમે તેને કોવિશિલ્ડ રસી કેમ આપો છો. પરંતુ તેણે કબૂલાત કરી ન હતી. કઈ જવાબ આપ્યો ન હતો.

વધુમાં જણાવ્યું હતું કે, આ કેસમાં મેં વાસણા પોલીસ સ્ટેશનમાં કર્મચારી સામે ફોજદારી બેદરકારીનો ગુનો નોંધાવ્યો છે. હાલમાં મારા બાળકની હાલત સ્થિર છે.થોડો તાવ છે. આમ, ગુનાહિત બેદરકારી બદલ દોષિત SVP હોસ્પિટલનો સ્ટાફ પણ પહોંચી ગયો હતો અને મને મારી ફરિયાદ પાછી ખેંચી લેવા કહ્યું હતું. પરંતુ આજે મારા બાળક સાથે આવું જ થયું, આવતીકાલે અન્ય કોઈ બાળક સાથે પણ આવું થઈ શકે છે. તેથી આ કિસ્સામાં , મેં વાસણા પોલીસ સ્ટેશનમાં ફરિયાદ નોંધાવી છે.