ખિસ્સા ખર્ચ આપવાની ના પાડતા પુત્ર એ જ પિતાનું ઢીમ ઢાળી દીધું, પિતા લોહીલુહાણ પડ્યા રહ્યા પરંતુ બેશરમ દીકરાને જરા પણ દયા નાં આવી… કલયુગી દીકરાને તો…

ટોંકમાં એક પુત્રએ ખિસ્સા ખર્ચ આપવાની ના પાડતા પિતાની હત્યા કરી નાખી. આરોપી યુવક માનસિક રીતે નબળો હોવાનું કહેવાય છે. તેણે લગભગ 5-6 મહિના પહેલા ઘરને પણ આગ લગાવી દીધી હતી. હત્યાની માહિતી મળતા જ સદર પોલીસ સ્ટેશન ઘટના સ્થળે પહોંચી આરોપી યુવકની અટકાયત કરી હતી.

આરોપીની પત્ની 4 વર્ષ પહેલા તેને છોડીને ચાલી ગઈ હતી. પિતા-પુત્ર મજૂરી અને ખેતી કરતા. નાથુ લાલ બૈરવાના પત્નીનું લાંબા સમય પહેલા અવસાન થયું છે. સ્ટેશન ઈન્ચાર્જ ઘનશ્યામ મીણાએ જણાવ્યું કે બડા જેરે ફોર્ટના રહેવાસી જોગેન્દ્ર બૈરવા (26)ની પત્ની 4 વર્ષ પહેલા પારિવારિક કારણોસર જતી રહી હતી.

ત્યારથી તે માનસિક રીતે બીમાર રહેવા લાગ્યો હતો. મંગળવારે રાત્રે લગભગ 8.30 વાગ્યાના સુમારે તેની તેના પિતા નાથુલાલ બૈરવા (57) સાથે પૈસા બાબતે ઝઘડો થયો હતો. જોગેન્દ્રએ પોકેટ મની માટે કેટલાક પૈસા માંગ્યા હતા, પરંતુ પિતાએ ના પાડી હતી. જેના પર જોગેન્દ્રએ તેના પિતાને માથાના ભાગે લાકડી વડે હુમલો કર્યો હતો.

માથાના ભાગે હુમલો થતાં તેને ગંભીર ઇજા પહોંચી હતી. નાથુલાલે બૂમાબૂમ કરતાં આસપાસના લોકો દોડી આવ્યા હતા અને તેને લોહીલુહાણ હાલતમાં સઆદત હોસ્પિટલમાં લઈ ગયા હતા. જ્યારે તેની હાલત નાજુક બનતા તેને જયપુર રીફર કરવામાં આવ્યો હતો, પરંતુ રસ્તામાં જ તેનું મોત નીપજ્યું હતું.

પોલીસે રાત્રે મૃતદેહને મોર્ચરીમાં રાખ્યો હતો અને સવારે પોસ્ટમોર્ટમ કરાવીને સ્વજનોને સોંપ્યો હતો. પોલીસે આરોપી પુત્ર જોગેન્દ્રની અટકાયત કરી છે અને મૃતકના ભાઈ લોકેન્દ્રની જાણના આધારે આરોપી પુત્ર સામે હત્યાનો ગુનો નોંધી તપાસ શરૂ કરી છે.